انگلش بلے بازوں کے ہاتھوں پاکستانی بولرز کی بدترین دھلائی کے بعد پاکستانی ہیڈ کوچ ثقلین مشتاق نے کہا ہے کہ انگلینڈ بہت اچھا کھیلا، ہم نے پلان کے مطابق بولنگ نہیں کی، پچ کا مسلئہ بھی تھا، تینوں عوامل شامل ہیں۔

میچ کے بعد پریس کانفرنس کرتے ہوئے ثقلین مشتاق نے کہا کہ آج کا دن انگلینڈ کیلئے تو بہت اچھا رہا، انگلینڈ کے شائقین بہت خوش ہوئے، آسٹریلیا کے خلاف فروری میں بھی یہی پچ تھی، میرے خیال سے پچ تھوڑی بہتر ہونی چاہیے تھی۔

ان کا کہنا تھا کہ یہ ہمارے بہترین بالرز ہیں۔ شاہین انجری کا شکار ہے، محمدعلی، حارث رؤف سارے اچھے لڑکے ہیں، جو دستیاب بہترین کھلاڑی ہیں وہی میدان میں ہیں۔