کراچی میں ایک اور بچہ مبینہ طور پر جنسی درندگی کی بھینٹ چڑھ گیا۔

محمود آباد میں دس سالہ بچے سے مبینہ زیادتی کا واقعہ پیش آیا ہے، جس کا مقدمہ محمود آباد تھانے میں والدہ کی مدعیت میں درج کرلیا گیا۔

پولیس کا کہنا ہے کہ بچے کو اسپتال منتقل کردیا گیا ہے، میڈیکل چیک اپ کے بعد تفتیش کو آگے بڑھایا جائے گا۔

متاثرہ بچے کی والدہ کا کہنا ہے کہ کام سے گھر پہنچی تو بچے نے واقعے کے حوالے سے آگاہ کیا۔

بچے نے محلے کے رہائشی شخص کی جانب سے زیادتی کا نشانہ بنانے کی شکایت کی۔