ناروے سے تعلق رکھنے والے مشہور ڈانس گروپ دا کوئیک اسٹائل کراچی پہنچ گیا ۔

کوئیک اسٹائل گروپ نے انسٹا اسٹوری اپ ڈیٹ کرتے ہوئے صارفین کو آگاہ کیا کہ وہ پاکستان پہنچ گئے ہیں۔

تصویر میں دیکھا جاسکتا ہے کہ ’کوئیک اسٹائل‘ کے ممبرز کراچی کے مزار قائد پر موجود ہیں۔

ناروے سے تعلق رکھنے والے ڈانس گروپ دا کوئیک اسٹائل کی ایک شادی میں پرفارمنس کی ویڈیوز کچھ ماہ قبل بہت وائرل ہوئی تھیں۔

کچھ دن قبل اس گروپ نے بلوچی گلوکار وہاب بگٹی کے گانے کنا یاری پر بھی پرفارم کیا تھا جبکہ دبئی میں ان سے ملاقات بھی کی تھی۔

انہوں نے پاکستانی گلوکارہ شازیہ منظور کے گانے بتیاں بجھائی رکھ دی اور امریکن میوزیکل بینڈ بلیک آئیڈ پیس کے گانے بے بوٹ کے ریمکس پر بھی عمدہ ڈانس کیا تھا۔