جہلم پولیس نے ڈکیتی کے الزام میں گرفتار ملزمان کی شہر بھر کی اہم شاہراؤں اور بازاروں میں پریڈ کرائی جس کے بعد انہیں حوالات میں بند کردیا گیا۔

پولیس کا کہنا ہے کہ ملزمان عرصہ دراز سے مشین محلہ میں قمار بازی کا دھندہ کررہے تھے،اپنے ہی ساتھی کو تشدد کا نشانہ بنا کر آٹھ لاکھ روپے لوٹ لیے تھے۔

اس مقدمے میں نو افراد نامزد تھے جنہوں نے عبوری ضمانت کے لیے درخواستیں دی تھیں۔ عدالت نے ملزمان کی ضمانت کی درخواستیں مسترد کردیں جس کے بعد دو ملزمان فرار ہوگئے جب کہ باقی 7 ملزمان کو پولیس نے پکڑ لیا۔

ان ملزمان کو پیدل ہی شہر کے مختلف بازاروں اور سڑکوں پر گھمایا گیا اور اس کے بعد پولیس نے انہیں تھانہ سٹی لے جاکر حوالات میں بند کر دیا۔