وفاقی وزیر دفاع خواجہ آصف کا کہنا ہے کہ ایک روز کے اندر تعیناتی کے مراحل طے ہو جائیں گے۔

قومی اسمبلی میں خطاب کرتے ہوئے خواجہ آصف نے کہا کہ آج پورا دن ایک خبر چلتی رہی، قوم میں بے چینی رہی، ادارہ 75 بعد کہہ رہا ہے ہم نیوٹرل ہیں، جسے عمران خان غیر آئینی اقدامات کے لئے اُکسا رہے ہیں، یہ اقدار کے لئے مختلف حربے استعمال کر رہے ہیں۔

خواجہ آصف نے کہا کہ ملک کی وحدت کو نقصان پہنچانے کی کوشش کی جا رہی ہے، دو تین روز میں اہم تعیناتی کا معاملہ حل ہو جائے گا، وزارت دفاع کو وزیراعظم ہاؤس سے خط موصول ہوا جب کہ وہ خط جی ایچ کیو سے کمیونیکیٹ ہوگیا ہے۔

وزیر دفاع نے کہا کہ عمران خان اداروں کے تعاون کے باوجود کچھ نہ کرسکے، لہٰذا عمران اپنی ناکامیوں کا ملبہ اداروں پر نہ ڈالیں، یہ تحفہ بیچنے والا پہلا آدمی ہے، انہوں نے بھارت سے ملنے والا گولڈ میڈل تک بیچ دیا۔

ان کا مزید کہنا تھا کہ عمران خان کو اوپر لانے کی ذمہ دار حکمران اشرافیہ ہے، ہماری اسٹیبلشمنٹ نے چار بار مجموعی طور پر 36 سے 37 سال ملک میں حکومت کی۔