بالی ووڈ کے مسٹر پرفیکشنسٹ عامر خان کی بیٹی آئرا خان نے قریبی دوست سے منگنی کرلی۔

عامر خان کی صاحبزادی آئرا اور نوپور شیکھر کی منگنی کی تقریب کا انعقاد ممبئی میں کیا گیا جس میں اداکار کی سابقیہ اہلیہ کرن راؤ سمیت قریبی عزیز و اقارب نے شرکت کی۔

آئرا اور نوپور کی منگنی کی ویڈیوز اور تصاویر سوشل میڈیا پر وائرل ہورہی ہہیں جس میں دیکھا جاسکتا ہے کہ آئرا نے سرخ رنگ کا لباس منتخب کیا جبکہ ان کے منگیتر نوپور کو سیاہ اور سفید لباس میں دیکھا جاسکتا ہے۔

دو ماہ قبل آئرا کے منگیتر نوپور نے اٹلی کے مشہور شو ’آئرن مین‘میں شرکت کی تھی اور گھٹنوں پر بیٹھ کر انہیں انگوٹھی پہناتے اپنی محبت کا اظہار کیا تھا جس کی ویڈیو خود آئرا خان نے اپنے انسٹاگرام پر پوسٹ کی تھی۔

بالی ووڈ اداکار عامر خان اور ان کی پہلی اہلیہ رینا دت کی اکلوتی بیٹی ایران خان نے کچھ سال قبل تھیٹر ڈائریکٹر کے طور پر ڈیبیو کیا تھا لیکن تاحال انہوں نے بالی ووڈ میں آنے کا فیصلہ نہیں کیا ہے۔