بھارت میں شادی کی تقریبات میں مضحکہ خیز واقعات اکثر سوشل میڈیا کی زینت بن جاتے ہیں جس کی ویڈیو بھی سامنے آتی رہتی ہیں۔

رپورٹ کے مطابق ریاست اُتراکھنڈ کے علاقے میں سسرال سے پسند کا لہنگا نہ آنے پر لڑکی نے شادی سے کچھ دن قبل ہی رشتے سے انکار کردیا۔

رپورٹس کے مطابق لڑکی کے سسرال نے ہونے والی دلہن کے لیے لکھنو سے 10 ہزار بھارتی روپے کا لہنگا منگوایا اور اس کے گھر بھیجا لیکن اسے وہ پسند نہ آیا۔

تاہم لڑکی نے لہنگا پسند نہ آنے پر اپنے منگیتر سے شادی کرنے سے انکار کردیا۔

رپورٹس کے مطابق جوڑے کی رواں سال جون میں منگنی ہوئی تھی اور اسی ماہ شادی تھی جس کے کارڈ بھی تقسیم کردیے گئے تھے۔