ضلع باجوڑ میں سیکیورٹی فورسز اور دہشت گردوں کے درمیان ہونے والے فائرنگ کے تبادلے میں ایک دہشت گرد ہلاک ہوگیا۔

پاک فوج کے شعبہ تعلقات عامہ (آئی ایس پی آر) کے مطابق15 اور 16 نومبرکی درمیانی شب ضلع باجوڑ کے علاقے ہلال خیل میں سیکورٹی فورسز اوردہشت گردوں کے درمیان فائرنگ کا تبادلہ ہوا۔

سیکورٹی فورسز کے خلاف دہشت گردی کی کارروائیوں میں ملوث ہلاک دہشت گرد سے اسلحہ و گولا بارود برآمد کرلیا گیا۔

شدید فائرنگ کے تبادلے کے دوران کوہاٹ کے 33 سالہ نائیک تاج محمد اور مالاکنڈ کے 30 سالہ لانس نائیک امتیاز خان بہادری سے لڑتے ہوئے شہید ہوگئے۔

علاقے میں ممکنہ دہشت گردوں کو ختم کرنے کے لئے سرچ آپریش کیا گیا۔