پاکستان تحریک انصاف (پی ٹی آئی) کے چئیرمین عمران خان کی زیرِ صدارت مشاورتی اجلاس ہوا جس میں حکومت پر مزید عوامی دباؤ بڑھانے کی حکمت عملی تیار کی گئی۔

لاہور کے علاقے زمان پارک میں واقع عرمران خان کی رہائش گاہ پر ہونے والے اجلاس میں پی ٹی آئی رہنما عمر سرفراز چیمہ، مونس الہٰی، راجہ بشارت اور مصدق عباسی شریک ہوئے۔

اجلاس میں انتخابات، اعظم سواتی پر تشدد، ارشد شریف قتل کا معاملہ اٹھانے پر اتفاق کیا گیا، ساتھ ہی سائفر کے معاملے کو بھی مزید شدت سے آگے بڑھانے پر اتفاق ہوا۔

اجلاس میں فیصلہ کیا گیا کہ پی ٹی آئی کے ارکان اسمبلی حلقوں میں پارٹی کا بیانیہ گھر گھر پہنچائیں گے اور مہنگائی، ناکام معاشی پالیسیوں کو بھی اجاگر کریں گے۔

حکومت مخالف تحریک کو یونین کونسل سطح پر لے جانے کا فیصلہ بھی کیا گیا، جس کیلئے پنجاب کی یوسیز کو ٹاسک دئیےجائیں گے۔