پاکستان تحریک انصاف (پی ٹی آئی) کے چیئرمین عمران خان کے بیٹے والد کی رہائشگاہ زمان پارک سے علامہ اقبال انٹرنیشنل ائرپورٹ روانہ ہوگئے۔

قاسم اور سلیمان پاکستان تحریک انصاف کے آزادی مارچ کے دوران فائرنگ سے زخمی والد کی عیادت کیلئے لندن سے لاہور پہنچے تھے۔

دونوں کی ائرپورٹ روانگی سے قبل زمان پارک کے باہرمیں سیکیورٹی کی خصوصی گاڑیاں موجود تھیں۔

سلیمان اور قاسم غیر ملکی ائر لائن کی پرواز سے لندن روانہ ہوں گے۔

خاندانی ذرائع کے مطابق قاسم نے کہا کہ اپنے والد کے ساتھ وقت گزار کر بہت اچھا لگا۔

سلیمان کا کہنا تھا کہ اللہ ہمارے والد کی حفاظت کرے اور پاکستان میں امن وسکون اور خوشحالی ہو۔