ٹی 20 ورلڈ کپ کے فائنل میں انگلینڈ کے ہاتھوں شکست کے بعد قومی کرکٹ ٹیم میلبورن سے براستہ دبئی وطن واپس روانہ ہوگئی۔

میڈیا رپورٹس کے کھلاڑی اور دیگراسکواڈ 15 اور 16 نومبرکی درمیانی شب کو پاکستان پہنچیں گے۔

کپتان بابراعظم اورنسیم شاہ لاہور، نائب کپتان شاداب خان، حیدرعلی،حارث رؤف اورمحمد نوازراولپنڈی پہنچیں گے۔

یہ بھی پڑھیں: ٹی ٹوئنٹی ورلڈکپ: پاکستان کو شکست، انگلینڈ دوسری بار چیمپئن بن گیا

گرین شرٹس کے وکٹ کیپرمحمد رضوان، افتخاراحمد، محمد وسیم جونیئراورخوشدل شاہ پشاور آئیں گے جبکہ شاہنوازدھانی اور شان مسعود کراچی پہنچیں گے۔

واضح رہے کہ گذشتہ روز آئی سی سی ٹی ٹوئنٹی ورلڈ کپ کے فائنل میں پاکستان کو شکست دے کر انگلینڈ دوسری بار چیمپئین بن گیا۔

قومی ٹیم نے انگلینڈ کو جیت کیلئے 138 رنز کا ہدف دیا جسے انگلینڈ نے پانچ وکٹوں کے نقصان پر پورا کرلیا تھا۔