ملک کے مختلف شہروں میں بارش اور بالائی علاقوں میں برفباری کا سلسلہ جاری ہے۔

اسلام آباد اور لاہور سمیت پنجاب کے مختلف شہروں میں بارش سے موسم سرد ہوگیا، جبکہ حافظ آباد ، کہروڑپکا، ٹوبہ ٹیک سنگھ میں بارش نے جل تھل ایک کردیا۔

اس کے علاوہ نوشکی، دیربالا، مانسہرہ میں وقفے وقفے سے ہونے والی بارش نے سردی کی شدت میں اضافہ کردیا۔

بالائی علاقوں میں آسمان سے گرتے روئی کے گالوں نے خوبصورت مناظر کو مزید حسین بنادیا، درخت، سڑکیں ہر شے نے سفید چادر اوڑھ لی ہے۔