سُپر ہائی وے قاسم گوٹھ میں فائرنگ سے ڈاکٹر جاں بحق ہوگیا۔

ایس ایس پی عرفان بہادر کے مطابق ڈاکٹر ہارون کلینک پر موجود تھے کہ سفید کار میں سوار دو ملزمان نے فائرنگ کردی،جس کے نتیجے میں ڈاکٹر ہارون جاں بحق ہوگئے۔

ایس ایس پی ملیر کا کہنا تھا کہ مقتول کو 5 گولیاں لگی ہیں، جائے واقعہ سے 5 خول ملے ہیں، جنہیں فرانزک کیلئے بھیجا جائے گا۔

واقعے کے حوالے سے شواہد بھی جمع کیے جا رہے ہیں۔

مقتول کی لاش کو عباسی شہید اسپتال منتقل کردیا گیا ہے۔