آرمی چیف جنرل قمر جاوید باجوہ نے ملتان گیریژن میں افسروں اور جوانوں سے ملاقات کی ہے۔

انٹر سروسز پبلک ریلیشنز (آئی ایس پی آر) کے مطابق آرمی چیف جنرل قمرجاویدباجوہ نے دورہ ملتان گیریژن کا دورہ کیا۔

ترجمان پاک فوج کے مطابق آرمی چیف نے اسٹرائیک فارمیشنز کے جوانوں کےعزم و حوصلےکو سراہا۔

آرمی چیف نے جوانوں کی مادر وطن کی خدمت کیلئے پیشہ ورانہ قابلیت اور لگن کی تعریف کی۔

ترجمان پاک فوج کے مطابق آرمی چیف کی آمدپرکمانڈر سدرن کمانڈ لیفٹینٹ جنرل اختر نواز ستی نے استقبال کیا۔

اس سے قبل، آرمی چیف نے سیالکوٹ اور منگلا گیریژن کا دورہ کیا۔

آئی ایس پی آر کے مطابق آرمی چیف جنرل قمر جاوید باجوہ نے مختلف آپریشنز، ٹریننگ اور قدرتی آفات کے دوران بہترین کارکردگی پر فارمیشنز کو سراہا۔

دورے کے دوران آرمی چیف نے فوجیوں کو مشورہ دیا کہ وہ ”ایک ہی جوش اور عزم کے ساتھ قوم کی خدمت کرتے رہیں چاہے حالات کچھ بھی ہوں۔“