اداکارہ سائرہ یوسف نے اپنی بیٹی نورے کی منفرد تصویر شیئر کی جسے مداحوں کی جانب سے خوب پسند کیا گیا ۔

سائرہ یوسف نے انسٹاگرام پر اپنی بیٹی کی تصویر شیئر کی جس میں نورے کو پشتون کلچر کا لباس زیب تن کئے دیکھا جاسکتا ہے ۔

تصویر شیئر کرتے ہوئے اداکارہ نے کیپشن میں لکھا کہ میرے لئے اس سے زیادہ خوشی کی بات کیا ہوسکتی ہے کہ میری بیٹی اسکول کی تقریبات میں پشتون کلچر کی نمائندگی کرے۔

سائرہ یوسف کی اس پوسٹ پر ان کے مداحوں نے خوب پسند کیا اور سراہا۔

واضح رہے کہ سائرہ یوسف اور شہروز سبزواری کی اکتوبر 2012 میں شادی ہوئی تھی لیکن فروری 2020 میں دونوں کی طلاق ہوگئی تھی، سائرہ اور شہروز کی ایک بیٹی نورے ہے۔

بعد ازاں مئی 2020 میں شہروز نے ماڈل صدف کنول سے شادی کا اعلان کیا تھا، جوڑے کے ہاں گزشتہ ماہ بیٹی ’زہرا‘ کی پیدائش ہوئی ہے۔