اسلام آباد: وفاقی حکومت نے سی سی پی او لاہور غلام محمود ڈوگر کو معطل کردیا۔

کیپیٹل سٹی پولیس آفیسر (سی سی پی او) لاہور غلام محمود ڈوگر کی معطلی کا نوٹیفکیشن جاری کردیا گیا ہے۔

وفاقی حکومت کے مطابق سی سی پی او لاہور غلام محمود ڈوگر گزشتہ روز گورنر ہاوٴس کی سکیورٹی میں مکمل ناکام رہے۔

ذرائع کے مطابق سی سی پی او لاہور پر پولیس کو سیاسی بنانے کا بھی الزام ہے۔

خیال رہے کہ غلام ڈوگر بطور ڈی آئی جی اور دو بار سی سی پی او لاہور فرائض انجام دے چکے ہیں۔

دوسری جانب پی ٹی آئی چئیرمین عمران خان اور مسلم لیگ (ق) کے رہنما مونس الہیٰ کے درمیان ملاقات ہوئی جس میں آئی جی پنجاب سمیت متعدد پولیس افسران کو تبدیل کرنے پر غور کیا گیا۔