عمران خان کی تقاریر نشریات پر پابندی کے ردِ عمل میں رہنما پاکستان تحریک انصاف (پی ٹی آئی) فواد چوہدری کا بیان سامنے آیا ہے۔

اپنے جاری بیان میں فواد چوہدری نے کہا کہ پریس کانفرنس اورتقریروں پر پابندی ایک بھونڈا اوربزدلانہ حکم ہے، حکومت والے اتنا ڈرتے ہیں کہ انہیں عمران خان کا سچ بھی گولیاں بن کرلگ رہا ہے۔

فواد چوہدری نے کہا کہ کیا آئینہ نہ دیکھنے سے اس حکومت کا بھیانک چہرہ نہیں چھپ جائے گا، البتہ پیمرا کے اس غیر آئینی حکم کو چیلنج کریں گے۔

واضح رہے کہ پیمرا نے متنازع بیانات دینے پر عمران خان کی پریس کانفرنس اور ریکارڈڈ تقاریر دکھانے پر پابندی پیمرا آرڈیننس 2002 کے تحت عائد کی ہے۔