عالمی مالیاتی ادارے (آئی ایم ایف) کی شرط پر حکومت نے پیٹرولیم ڈویلپمنٹ لیوی کی شرح میں اضافہ کردیا۔

وفاقی وزیر خزانہ اسحاق ڈار کی زیر صدارت اقتصادی رابطہ کمیٹی (ای سی سی) کا اجلاس اسلام آباد میں ہوا جس میں ہائی پریمیم پر پیٹرولیم ڈویلپمینٹ لیوی کی شرح بڑھانے کی منظوری دی گئی۔

ای سی سی نے آئی ایم ایف کی شرط پر ہائی اوکٹین پر 50 روپے لیوی عائد کرنے کی منظوری دی جس کا نفاذ 16 نومبر سے ہوگا۔

ہائی اوکٹین پر 30 روپے پیٹرولیم ڈویلپمینٹ لیوی عائد تھی، آئی ایم ایف کی شرط پر ہائی اوکٹین پر 50 روپے لیوی عائد کرنے کی منظوری دی گئی ہے۔

اقتصادی رابطہ کمیٹی نے ساتویں مردم شماری کے لیے 5 ارب کی ٹیکنیکل سپلیمنٹری گرانٹ منظور جب کہ پیٹرولیم مصنوعات پر سیلز ٹیکس عائد کرنے سے متعلق سمری مؤخر کر دی۔