پاکستان تحریک انصاف کے چیئرمین عمران خان پر قاتلانہ حملہ کے لیے ایف آئی آر کے اندراج کی درخواست جمع کرادی گئی۔

پی ٹی آئی کی مرکزی قیادت تھانہ سٹی وزیرآباد پہنچ گئی۔

زبیر نیازی اور پی ٹی آئی لائرز ونگ پنجاب کے عہدیدار تھانہ سٹی وزیرآباد پہنچ گئے۔

عمران خان پر قاتلانہ حملے کے مقدمے کی درخواست دینے کے موقع پر تھانہ سٹی وزیرآباد کی بجلی بند ہوگئی۔

اس حوالے سے پی ٹی آئی قیادت کا کہنا ہے کہ تھانہ سٹی کی لائٹ جان بوجھ کر خراب کی گئی یا واقعہ ہی خراب ہے، درخواست آن لائن ٹیگ کے بغیر نہیں دیں گے۔

درخواستگزار قیادت نے استفسار کیا کہ جان بوجھ کر لائٹ بند کی گئی ہے۔

جبکہ پی ٹی آئی وکلا کا موقف ہے کہ اندراج مقدمہ کی درخواست کی آن لائن رسید وصول کریں گے۔

دوسری جانب ضلع وزیرآباد کے پی ٹی آئی سے منسلک سینئر قانون دان اور زبیر نیازی تھانہ سٹی وزیرآباد میں موجود ہیں۔