فیڈرل انویسٹی گیشن ایجنسی (ایف آئی اے) سائبر کرائم سرکل نے جنسی ہراسگی میں ملوث ملزم کو حیدرآباد سے گرفتار کرلیا۔

ترجمان ایف آئی اے کے مطابق سائبر کرائم سرکل حیدرآباد نے کارروائی کرتے ہوئے ملزم قدیر الحسن کو گرفتار کرلیا۔

ملزم سوشل میڈیا پر خاتون کی قابل اعتراض تصاویر شئیر کرنے میں ملوث تھا۔

ملزم شکایت کنندہ کے گھر والوں کو دھمکیاں دینے میں بھی ملوث تھا، ملزم کے زیر استعمال موبائل سے قابل اعتراض مواد برآمد کر لیا گیا۔

ملزم کے خلاف مقدمہ درج کرکے تفتیش جاری ہے۔