لاہور کی مقامی عدالت نے غیر قانونی اراضی سے متعلق کیس میں اینٹی کرپشن حکام کی مزید جسمانی ریمانڈ کی استدعا مسترد کرتےہوئے دوست مزاری کو جوڈیشل ریمانڈ پر جیل بھیج دیا ۔

لاہور کی مقامی عدالت میں سابق ڈپٹی اسپیکر دوست مزاری کے خلاف غیر قانونی اراضی سے متعلق کیس کی سماعت ہوئی۔

اینٹی کرپشن نےدوست مزاری کےمزیدجسمانی ریمانڈ کی استدعا کی،تفتیشی افسر نے کہا کہ دوست مزاری سے مزید تفتیش درکارہے۔

پراسیکیوٹر نے کہا کہ دوست مزاری پر اراضی پر قبضہ کرنےکاالزام ہے۔

اینٹی کرپشن نے کہا کہ دوست مزاری پرزمین پرقبضےکےالزام کی چھان بین کرنی ہے،دوست مزاری نے لینڈ ریکارڈ میں ردوبدل کروائی۔

بعدازاں عدالت نےاینٹی کرپشن حکام کی مزید جسمانی ریمانڈ کی استدعا مسترد کرتے ہوئے دوست مزاری کو جوڈیشل ریمانڈ پر جیل بھیج دیا۔