پنجاب کے ضلع پاکپتن کی تحصیل عارف والا میں ضلعی انتظامیہ پابندی کے باوجود زہریلا سیاہ دھواں اگلنے والے اینٹوں کے بھٹے بند نا کرا سکی۔

پابندی کے باوجود عارف والا میں اینٹوں کے بھٹے بند نا ہو سکے جبکہ بھٹوں کی چمنیوں سے نکلنے والا زہریلا سیاہ دھواں اسموگ اور فضائی آلودگی کا باعث بن رہا ہے۔

بھٹوں میں زہریلا مواد بطور ایندھن جلنے سے شہری گَلے اور سانس کی بیماریوں کا شکار ہو رہے ہیں جبکہ شہریوں کا کہنا ہے کہ انتظامیہ بھٹوں کو بند کرنے کے حکومتی احکامات پرعملدرآمد کروانے میں ناکام ہے۔

دوسری جانب انتظامیہ کا دعوی ہے کہ اسموگ کا باعث بننے والے بھٹوں کے خلاف کارروائیاں جاری ہیں۔

شہریوں کا کہنا ہے کہ متعلقہ افسران بھٹوں کو بند کرنے کے احکامات کو سنجیدہ لیں تاکہ اسموگ اور فضائی آلوگی پر پر قابو پایا جاسکے۔