وفاقی تحقیقاتی ایجنسی (ایف آئی اے) نے چیئرمین پاکستان تحریک انصاف عمران خان کو دو طلبی کے نوٹسز جاری کردیے۔

ایف آئی اے اسلام آباد نے عمران خان کو سائفر سے متعلق تحقیقات کے لئے طلب کیا ہے، انہیں 3 نومبر کو دن 12 بجے ایف آئی اے ہیڈ کوارٹرز اسلام آباد میں پیش ہونے کی ہدایت کی گئی ہے۔

دوسری جانب ایف آئی ائے لاہور نے عمران خان کو فارن فنڈنگ کیس میں نوٹس جاری کرتے ہوئے انہیں 7 نومبر کو لاہور آفس میں پیش ہونے کی ہدایت کی ہے۔

اس ضمن میں ایف آئی اے کا کہنا ہے کہ اکاونٹ اوپنگ فارم میں عمران خان کا اتھارٹی لیٹر لگا ہے، لہٰذا انہیں تحقیقات کے لئے طلب کیا گیا ہے۔

واضح رہے کہ عمران خان نے پی ٹی آئی پنجاب کے اکاؤنٹ سے لا تعلقی کا اظہار کیا تھا۔