مرکزی رہنما اسد عمر نے رچنا ٹاؤن میں کارکنان سے خطاب میں کہا کہ عمران خان کو آج کسی اہم میٹنگ میں لاہور واپس جانا پڑگیا جس کے باعث انہوں نے آج کا لانگ مارچ ختم کرنے کا اعلان کیا ہے۔

اسد عمر نے کہا کہ عمران خان کل ساڑھے گیارہ بجے مریدکے سے لانگ مارچ کے تیسرے دن کا آغاز کریں گے۔

یہ بھی پڑھیں: عمران خان انتہائی اہم ملاقات کیلئے مارچ چھوڑ کر لاہور روانہ

اس سے قبل مرکزی رہنماؤں کی جانب سے ابتداء میں دوسرے روز کا قیام گوجرانولہ بتایا جارہا تھا، تاہم قافلے کی سستی روی کے باعث رہنماؤں نے دوسرے روز کا قیام کامونکی قرار دیا۔

پی ٹی آئی ذرائع کا کہنا ہے کہ لانگ مارچ رات کو سفر نہیں کرے گا، پی ٹی آئی کی قیادت نے فیصلہ کیا کہ لاہور سے باہر کسی جگہ رات کو سفر نہیں کیا جائے گا۔

پی ٹی آئی کے ذرائع کا کہنا ہے کہ سیکیورٹی کے پیش نظر لانگ مارچ صرف دن کو جاری رکھنے کا فیصلہ کیا گیا۔