پاکستان تحریک انصاف کے چئیرمین عمران خان کے خلاف نااہلی کیس اسلام آباد ہائیکورٹ میں سماعت کیلئے مقرر کرلیا گیا۔

اسلام آباد ہائیکورٹ کے جسٹس عامر فاروق پیر کو سماعت کریں گے، جس میں فیصلہ کیا جائے گا کہ عمران خان کی نااہلی کا فیصلہ معطل ہوگا یا نہیں۔

عمران خان نے الیکشن کمیشن کا فیصلہ اسلام آباد ہائیکورٹ میں چیلنچ کر رکھا ہے اور الیکشن کمیشن کے فیصلے کو غیر قانونی قرار دینے کی استدعا کر رکھی ہے۔

عمران خان کی قانونی ٹیم نے رجسٹرار آفس کے تمام اعتراضات دور کردیئے ہیں۔