لاہور کی مقامی عدالت نے بینک کا قرض واپس نہ کرنے کے مقدمے میں گرفتار سنئیر صحافی چوہدری غلام حسین کو جسمانی ریمانڈ پر ایف آئی اے کی تحویل میں دینے کی استدعا مسترد کرتے ہوئے انہیں 14 دن کے جوڈیشل ریمانڈ پر جیل بھجوا دیا۔

ضلع کچہری میں جوڈیشل مجسٹریٹ کے زیرسماعت مقدمے میں ایف آئی اے نے گرفتار سینئر صحافی چوہدری غلام حسین کو عدالت میں پیش کیا اور مؤقف اختیار کیا کہ ملزم نے بینک کا قرضہ واپس نہیں کیا، مزید تفتیش کیلئے 14 دنوں کا جسمانی ریمانڈ دیا جائے۔

یہ بھی پڑھیں: صحافی چوہدری غلام حسین کو کس طرح گرفتار کیا گیا

چوہدری غلام حسین کے وکیل اظہر صدیق نے جسمانی ریمانڈ کی مخالفت کی اور بتایا کہ 2003 کا وقوعہ ہے اور ملزم کے خلاف 2011 میں ایف آٸی آر درج ہوٸی، چوہدری غلام حسین پر کسی قسم کی جعلی دستاویزات کا الزام نہیں لگایا گیا۔

عدالت نے فریقین کے دلائل سننے کے بعد ایف آئی اے کی درخواست مسترد کرتے ہوئے چوہدری غلام حسین کو 14 روزہ جوڈیشل ریمانڈ پر جیل بھوا دیا۔