کراچی کے علاقے رنچھوڑ لائن میں گھر کی چھت گرنے کا واقعہ پیش آیا ہے، جس کے نتیجے میں دو خواتین سمیت ڈیڑھ ماہ کا بچہ جاں بحق ہوگیا۔

چھت گرنے کا واقعہ کچھی میمن قبرستان کے قریب پہیش آیا۔

سندھ بلڈنگ کنٹرول اتھارٹی (ایس بی سی اے) کا کہنا ہے کہ گراؤنڈ فلور کے ایک کمرے پر مشتمل گھر کی چھت گری ہے، جو عثمان آباد کی کچی آبادی میں واقع تھا۔

ایس بی سی اے حکام نے کہا کہ مکان کی دیواروں پر پلاسٹر نہیں ہوا تھا اور کچی اینٹوں کے بنے گھر کی چھت پر تعمیرات جاری تھیں، چھت کچی اور کمزور تھی تعمیرات کا وزن برداشت نہیں کرسکی۔

حکام نے بتایا کہ زیر زمین سیوریج کے پانی کی لیکج کا بھی مسئلہ ہے۔