بالی ووڈ کے سینئر اداکار امیتابھ بچن نے رشی سونک کے پہلے بھارتی نژاد برطانوی وزیر اعظم بننے پر خوشی کا اظہار کیا ہے۔

امیتابھ بچن نے انسٹا گرام پر اپنی ایک تصویر شیئر کرتے ہوئے لکھا کہ’جئے بھارت، بالآخر اب برطانیہ کے پاس بھارت سے بطور وزیراعظم ایک نیا وائسرائے موجود ہے’۔

واضح رہے کہ پیر کے روز برطانیہ کی کنزرویٹو پارٹی کے رہنما رشی سونک، ٹوری قیادت کی دوڑ میں لِز ٹرس سے ہارنے کے دو ماہ سے بھی کم وقت میں برطانیہ کے پہلے بھارتی نژاد وزیرِ اعظم بن گئے ہیں۔

برطانیہ کے سابق بھارتی نژاد وزیر خزانہ رشی سونک برطانیہ کے نئے وزیر اعظم نامزد ہوگئے ہیں ان کے مقابلے میں قدامت پسند جماعت کےتمام حریف امیدوار دستبردارہوگئے ہیں۔

پینی مورڈانٹ مطلوبہ 100 ارکان کی حمایت حاصل کرنے میں ناکام رہیں جس کے بعد ہندو مذہب سے تعلق رکھنے والے بھارتی نژاد رشی سوناک کو پارٹی کی سربراہی مل گئی اور وہ برطانیہ کے نئے وزیر اعظم نامزد ہوگئے۔