روات میں ڈکیتی اور قتل کے مقدمے میں مقتول شہزاد خود ہی ڈاکو نکل آیا۔

راولپنڈی پولیس کے جاری کردہ ایک بیان کے مطابق 25 جولائی کو پولیس کو رابری میں ایک شخص کے زخمی ہونے کی اطلا ع ملی جس پر پولیس نے موقعہ پر پہنچ کر قانونی کارروائی کی اور زخمی کو ہسپتال بھجوایا۔

پولیس کا کہنا ہے کہ ڈکیتی کے دوران زخمی ہونے والا شخص زخؐوں کی تاب نہ لاتے ہوئے واقعے کے چند روز اسپتال میں تم توڑ گیا۔

پولیس نے تفتیش کے لیے مدعی مقدمہ سے رابطہ کی کوشش کی جس کا نمبر بند تھا، مدعی کو مسلسل کو شش کے بعد تلاش کرکے تفتیش کی گئی جس میں انکشاف ہوا کہ واقعہ کے وقت مقتول کے ساتھ دو دوست عرفان عرف چنے اور جمعہ گل بھی تھے۔

روالپنڈی پولیس کا بتانا ہے کہ پولیس نے ایک دوست عرفان عرف چنے سے تفتیش کی تو روات میں رابری کے واقعہ کا ڈراپ سین ہوا، تفتیش کے دوران ملزم عرفان نے بتایا کہ کورال کے علاقہ میں رابری کی واردات کے دوران کراس فائرنگ سے مجھ سمیت شہزاد اور جمعہ گل بھی زخمی ہوئے۔

واقعہ کا مقدمہ تھانہ کورال میں درج کیا گیا جس کے بعد کورال پولیس نے ملزم جمعہ گل کو موقعہ سے زخمی حالت میں گرفتار کرلیا جب کہ شہزاد اور عرفان زخمی حالت میں موقعہ سے فرار ہوگئے۔

اس ضمن میں ایس ایس پی آپریشنز وسیم ریاض خان کا کہنا ہے کہ شہزاد اور مدعی مقدمہ نے ڈکیتی کا رنگ دینے کے لیے تھانہ روات کے علاقہ میں جھوٹا ڈرامہ رچا کرمقدمہ درج کراویا اور حقائق کو چھپانے کی کوشش کی۔