وزیراعلیٰ پنجاب چوہدری پرویزالہٰی نے گھروں کی تعمیر کے لئے قرضوں کے پروگرام کی منظوری دے دی۔

وزیراعلیٰ پنجاب سے اخوت اسلامک مائیکرو فنانس کے سربراہ ڈاکٹر امجد ثاقب نے ملاقات کی۔

چوہدری پرویز الہٰی نے ڈاکٹر امجد ثاقب کی سماجی خدمات کو خراج تحسین پیش کرتے ہوئے کہا کہ اخوت کے اشتراک سے کم آمدن والے لوگوں کے لئے اپنے گھر کا خواب پورا کریں گے، کم آمدن والے لوگوں کے لئے گھروں کی تعمیر کے لئے قرضوں کا پروگرام کا ازسرنوآغاز کررہے ہیں۔

وزیراعلیٰ پنجاب چوہدری پرویز الہٰی نے حکومت پنجاب اور اخوت کے درمیان معاہدے کی منظوری دے دی جبکہ پنجاب ہاؤسنگ اینڈ ٹاؤن پلاننگ ایجنسی کے ذریعے 800 ملین کے فنڈز کی منظوری بھی دی گئی۔

انہوں نے کہا کہ وفاقی حکومت نے سیلاب متاثرین کے لئے کچھ نہیں دیا، اپنے وسائل سے گھر بنائیں گے،سیلاب متاثرہ علاقوں میں گھروں کی تعمیر کے لئے ترجیحی بنیادوں پر قرضے دیئے جائیں گے۔