وزیر اعظم محمد شہباز شریف سے نیسلے پاکستان کے ڈائریکٹر کارپوریٹ افیئرز شیخ وقار احمد نے اتوار کو ملاقات کی اور سیلاب متاثرین کے لئے وزیر اعظم فلڈ ریلیف فنڈ میں ایک کروڑ روپے کا چیک پیش کیا۔

وزیر اعظم آفس کے میڈیا ونگ سے اتوار کو جاری بیان کے مطابق وزیر اعظم سے نیسلے پاکستان کے ڈائریکٹر کارپوریٹ افیئرز و سسٹین ایبلیٹی شیخ وقار احمد اور ڈائریکٹر ہیومن ریسورس حاجرہ عمر نے ملاقات کی اور نیسلے کی جانب سے سیلاب متاثرین کے لئے وزیر اعظم فلڈ ریلیف فنڈ میں ایک کروڑ روپے کا چیک پیش کیا۔

وزیراعظم نے سیلاب اورقدرتی آفات میں نیسلے کی کوششوں اورمدد کی تعریف کی۔

اس سے قبل بھی نیسلے پاکستان کے ملازمین نے چھ ملین روپے اوردیگرامدادی سامان سیلاب سے متاثرہ افراد کے لیے بھجوایا تھا۔