معروف پاکستانی گلوکار عاصم اظہر کی ملیبرن میں اذان دینے کی ویڈیو سوشل میڈیا پر وائرل ہوگئی۔

آئی سی سی ٹی 20 ورلڈ کپ کا آغاز آسٹریلیا میں ہوچکا ہےجہاں شائقین کرکٹ سمیت شوبز ستارے آسٹریلیا میں موجود ہیں۔

گلوکار عاصم اظہر بھی میلبرن میں موجود ہیں جہاں ممکنہ طور پر وہ میچ دیکھنے کے لیے اسٹیڈیم میں موجود ہوں گے۔

عاصم نے جمعہ کی نماز کے لیے میلبرن میں اذان دی جس کی ویڈیو وائرل ہوگئی۔

ان کے اذان دینے کے عمل کو نہ صرف مداح بلکہ ساتھی فنکاروں نے بھی پسند کیا۔

واضح رہے کہ میگا ایونٹ میں روایتی حریف پاک بھارت کی ٹیمیں 23 اکتوبر بروز اتوار کو مدمقابل آئیں گی۔