وفاقی تحقیقاتی ایجنسی (ایف آئی اے) نے سابق وزیراعظم عمران خان کے سابق پرنسپل سیکرٹری اعظم خان کو طلب کرلیا ہے۔

ایف آئی اے نے اعظم خان کو نوٹس جاری کرتے ہوئے انہیں 25 اکتوبر بروز منگل کو دن ایک بجے دفتر میں پیش ہونے کی ہدایت کی گئی ہے۔

نوٹس کے مطابق ایف آئی اے انسداد دہشتگردی میں سیکرٹری داخلہ کی درخواست پر انکوائری درج کی گئی ہے۔

واضح رہےکہ ایف آئی اے عمران خان کی اعظم خان سے سفارتی سائفر پر گفتگو سے متعلق انکوائری کررہی ہے۔

خیال رہے کہ عمران خان کے دور میں اعظم خان ان کے سیکرٹری کے طور پر فرائض انجام دے رہے تھے۔