لاہورپولیس نے کارروائی کرتے ہوئے اغوا کاروں کے چُنگل سے 15 سالہ لڑکی کو بازیاب کروا لیا۔

متاثرہ لڑکی نے بیان دیا کہ ملزمان اسلام آباد جسم فروشی کروانے لئے لے جا رہے تھے۔

پولیس نے بتایا کہ اغوا کاروں میں دو مرد اور دو خواتیں شامل ہیں، جو لڑکی کو کارمیں اغوا کرکے لے جا رہے تھے۔

پولیس کا کہنا ہے کہ اغوا کاروں کو ناکے پر روکا، تو کار میں سوار لڑکی نے شور مچایا، جس کے بعد پولیس نے اغوا کاروں کو گرفتار کرلیا۔

لاہور پولیس کے مطابق 15 سالہ مغوی لڑکی کی شناخت فاطمہ راشد کے نام سے ہوئی ہے، جو شکر گڑھ کی رہائشی ہے۔

لڑکی کو اس کے والدین کے حوالے کر دیا گیا ہے جبکہ گرفتار ملزمان کے خلاف مقدمہ درج کرکے تحقیقات جاری ہے۔