ماہر قانون صلاح الدین احمد نے بلدیاتی انتخابات ملتوی کرنے کا فیصلہ آئین سے متصادم قرار دے دیا۔

ایک بیان میں صلاح الدین احمد کا کہنا ہے کہ الیکشن کمیشن نے سکیورٹی کا بہانہ بنا کر ایک مرتبہ پھر کراچی میں بلدیاتی انتخابات ملتوی کرائے، یہ فیصلہ بالکل غلط ہے۔

ان کا کہنا ہے کہ بلدیاتی الیکشن کافی عرصہ سے آگے بڑھائے جارہے ہیں، یہ آئین کی خلاف ورزی ہے، ملتوی کرنے کا فیصلہ توہین عدالت کے زمرے میں بھی آتا ہے۔

صلاح الدین احمد نے کہا کہ بلدیاتی انتخابات ملتوی کرنے کے فیصلے سے پاکستان تحریک انصاف (پی ٹی آئی) کے خلاف جانبداری کا الزام لگانے والوں کو بھی تقویت ملے گی۔

خیال رہے کہ گزشتہ الیکشن کمیشن نے گزشتہ روز 23 اکتوبر کو ہونے والے کراچی میں بلدیاتی انتخابات غیر معینہ مدت کے لئے ملتوی کردیے تھے جب کہ اس سے قبل سندھ حکومت بلدیاتی الیکشن کو روکنے کے لئے الیکشن کمیشن کو تین بار خط بھی لکھ چکا ہے۔