امریکی ایئرلائنز کے مسافر طیارے میں سانپ ملنے پرمسافروں نے ہنگامہ برپا کردیا۔

نیوارک لبرٹی انٹرنیشنل ائرپورٹ پر پروازپہنچنے کے بعد ایک مسافر کو پاؤں کے قریب سانپ رینگتا دکھائی دیا۔جس کے بعد مسافروں میں کھلبی مچ گئی۔

حکام نے سی این این کو بتایا کہ پولیس اور آپریشنز ملازمین نے مل کرسانپ کو جہاز سے نکالا ۔

ایک مسافر نے بتایا کہ جب پرواز اتر رہی تھی، تو بزنس کلاس کے مسافروں نے چیخنا شروع کر دیا اور اپنے پاؤں اوپر کی جانب کھینچ لیے تھے۔

ائرلائنز نے میڈیا کو بتایا کہ جب مسافروں نے سانپ کی موجودگی کی اطلاع دی تو فوری طور پر ائرپورٹ انتظامیہ سے مدد طلب کی ۔

نارتھ کیرولائنا وائلڈ لائف ریسورس کمیشن کے مطابق طیارے سے ملنے والے سانپ کو ”گارڈن“ سانپ کہا جاتا ہے۔

مذکورہ سانپ زہریلے نہیں ہوتے ہیں یہ صرف باغات میں پائے جاتے ہیں۔