معروف پاکستانی گلوکار عاطف اسلم نے بالی ووڈ اداکارہ ایمی جیکسن کے ساتھ میوزک ویڈیو کی پہلی جھلک جاری کردی۔

عاطف اسلم نے اتوار کے روز انسٹاگرام پر ایک پوسٹر شیئر کرتے ہوئے اعلان کیا ہے کہ بالی ووڈ اسٹار ایمی جیکسن ان کے آنے والی میوزک ویڈیو ’مون رائز‘میں نظر آئیں گی۔

گلوکار نے اس گانے کا آفیشل پوسٹر شیئر کیا جس میں وہ اور ایمی جیکسن ایک دوسرے کی آنکھوں میں غور سے دیکھتے ہوئے نظر آ رہے ہیں جبکہ گلوکار کی ایک اور تصویر ہے جس میں وہ چاند کے پس منظر میں پرفارم کررہے ہیں۔

پہلی نظر میں پوسٹر دیکھ کر یقینی طور پر اسے رومانوی گانے کی طرف اشارہ ملتا ہےاور ویسے بھی عاطف اسلم اپنے رومانوی گانوں کی وجہ سے مشہور ہیں ۔

مون رائز گانے کو تارش میوزک کے لیبل کے تحت ریلیز کیا جائے گا جس کی موسیقی اور دھن کے پیچھے راج رنجودھ ہیں۔

اس میوزک ویڈیو کو عدنان قاضی نے ڈائریکٹ کیا ہے اور اسے ترون چوہدری اور عمر احمد نے پروڈیوس کیا ہے۔

میوزک ویڈیو کی ریلیز کی تاریخ کا ابھی نہیں کیا گیا ۔