ضمنی انتخابات میں عوامی نیشنل پارٹی کے امیدوار ایمل ولی اور غلام بلور کو شکست ہوئی جس کے بعد پارٹی نے انتخابات کو مسترد کرکے نتائج چیلنج کرنے کا اعلان کردیا۔

ضمنی انتخابات میں پی ٹی آئی کے چیئرمین عمران خان کی کامیابی کے بعد عوامی نیشنل پارٹی نے نتائج کو مسترد کردیا۔

چارسدہ کے حلقہ 24 کے امیدوار ایمل ولی نے الزام عائد کیا کہ 10 ہزار کے قریب جعلی ووٹ ڈالے گئے ہیں جس کی تصدیق کے لئے الیکشن کمیشن جائیں گے ۔

پشاور کے حلقہ این اے 31 کے امیدوار غلام بلور نے بھی صوبائی حکومت پر انتخابات میں سرکاری مشینری کے استعمال کا الزام لگایا۔

غلام بلور نے ضمنی انتخابات کے نتائج کو الیکشن کمیشن یا ہائیکورٹ میں چیلنج کرنے کا اعلان بھی کردیا ہے۔