بھارتی کرکٹ ٹیم کے کپتان روہت شرما کا کہنا ہے کہ ٹی ٹوئنٹی ورلڈ کپ سے زیادہ فاسٹ بولر جسپریت بمراہ کا کیریئر بچانا ضروری تھا۔

ملبرن میں ایونٹ کے باقائدہ آغاز سے قبل پریس کانفرنس میں روہت شرما کا کہنا تھا کہ فاسٹ بولر کو ٹی ٹوئنٹی ورلڈ کپ کی وجہ سے خطرے میں ڈالنے کے بجائے اس کا کرکٹنگ کیریئر بچانا زیادہ اہم تھا۔

بھارتی کپتان کا کہنا تھا کہ ہم نے کئی طبی ماہرین سے فاسٹ بولر کی انجریز سے متعلق بات کی تاہم ہمیں کوئی مثبت جواب نہ مل سکا۔

روہٹ شرما نے کہا کہ یہ ورلڈ کپ بمرا کے کیرئر سے زیادہ اہم نہیں کیونکہ اس کی عمر ہی 27 سے 28 برس ہے اور بمرا کے آگے ابھی کافی کرکٹ پڑی ہے، اسی لئے ہم فاسٹ بولر کو اسکواڈ میں شامل کرکے خطرے میں نہیں ڈال سکتے تھے۔

خیال رہے کہ جسپریت بمرا کمر کی انجری کے باعث ٹی ٹوئنٹی ورلڈ کپ سے باہر ہوگئے تھے جن کی جگہ فاسٹ بولر محمد شامی بھارتی ٹیم کے اسکواڈ میں شامل ہوگئے ہیں۔