پاکستان پیپلز پارٹی کے رہنما سعید غنی کا کہنا ہے کہ ضمنی الیکشن میں عمران خان منہ کی کھائیں گے، کراچی والے عمران خان گدو بندر کا راستہ دکھائیں گے۔

کراچی سے جاری بیان میں سندھ کے صوبائی وزیر سعید غنی نے کہا کہ عمران خان نیازی سیاست میں رہنے کے لئے ہر شام غل غباڑہ کرتے ہیں، کراچی والے عمران خان گدو بندر کا راستہ دکھائیں گے۔

انہوں نے کہا کہ عمران نیازی جھوٹا ترین آدمی ہے، عمران خان کرپشن کی ”گوگیوں“کے سردار ہیں،ان کو جیل جانے کے ڈر سے نیند نہیں آرہی۔

سعید غنی کا مزید کہنا تھا کہ ضمنی انتخابات میں عمران خان منہ کی کھائیں گے وہ جیل بھرو تحریک پر بھی یوٹرن لے چکے ہیں، شیخ رشید چاہتے ہیں کہ عمران نیاز کل کے بجائے آج ہی جیل جائیں۔