آسٹریلوی محققین کی ایک ٹیم نے آٹھ لاکھ زندہ انسانی اور چوہوں کے دماغی خلیات کو ایک ڈش میں رکھا، انہیں الیکٹروڈز سے اور کلاسک گیم ”پونگ“ سے جوڑ دیا۔

اس کے بعد سائنس دانوں نے دیکھا کہ خلیات کے اس گروپ نے تیزی سے خود کو کھیل سکھایا اور جتنی مشق کی گئی کھیل کو اتنا ہی بہتر بنایا گیا۔

سائنس دانوں نے اپنے اس سسٹم کو ”ڈش برین“ کا نام دیا ہے۔

محقیقین کی ٹیم کا کہنا ہے کہ ڈش میں موجود نیوران (عصبی خلیے) ذہانت کی بنیادی علامات سیکھ سکتے ہیں اور اس کا اظہار بھی کر سکتے ہیں۔

ٹیم نے نئے سیٹ اپ کی تفصیلات جسے ”سنتھیٹک بائیولوجیکل انٹیلی جنس“ (مصنوعی حیاتیاتی ذہانت) یا SBI کہا جاتا ہے، بدھ کو نیوران جریدے میں شائع کیں۔

مصنفین کا کہنا ہے کہ SBI دماغی میکانکس کے دیرینہ اسرار کو کھولنے میں مدد کر سکتا ہے اور بعض اعصابی حالات کے لیے بہتر علاج کا باعث بن سکتا ہے۔

بائیوٹیک اسٹارٹ اپ ”کورٹیکل لیبز“ کے چیف ایگزیکٹو آفیسر، ہون وینگ چونگ کہتے ہیں، ”ڈش برین یہ جانچنے کے لیے ایک آسان طریقہ پیش کرتا ہے کہ دماغ کیسے کام کرتا ہے اور مرگی اور ڈیمنشیا جیسی کمزور حالتوں میں بصیرت فراہم کرتا ہے۔“

مصنوعی بمقابلہ حیاتیاتی ذہانت

مطالعہ کی ٹیم نے پایا کہ حیاتیاتی ذہانت، عرف زندہ دماغی خلیات، مصنوعی ذہانت کے معاملے میں کمپیوٹر کے مقابلے کافی مختلف طریقے سے برتاؤ کرتے ہیں۔

کورٹیکل لیبز کے چیف سائنٹیفک آفیسر اور اس تحقیق کے شریک مصنف بریٹ کاگن کہتے ہیں، ”ماضی میں، سائنس دانوں کے خیال کے مطابق دماغ کے کمپیوٹر ماڈلز تیار کیے گئے کہ دماغ کیسے کام کر سکتا ہے۔“

”یہ عام طور پر انفارمیشن ٹیکنالوجی کے بارے میں ہماری موجودہ سمجھ پر مبنی ہے، جیسے کہ سلیکون کمپیوٹنگ… لیکن حقیقت میں ہم یہ نہیں سمجھتے کہ دماغ کیسے کام کرتا ہے۔“

دلچسپ بات یہ ہے کہ ڈش برین نے قدرتی طور پر گیم پونگ کو ان طریقوں سے کھیلنا سیکھا جو اسے زیادہ پیش گو اور کم بے ترتیب بناتے ہیں۔

دوسرے الفاظ میں، یہ نظام مصنوعی ذہانت کے مقابلے میں ایک حقیقی زندہ دماغ کی طرح برتاؤ کرتا ہے۔

مثال کے طور پر، جب ڈش برین نے پونگ میں ”گیند“ کو کامیابی کے ساتھ واپس کیا، تو اس کے نتیجے میں سسٹم بہتر طریقے سے اندازہ لگا سکا کہ یہ آگے کہاں جائے گی۔

چونکہ ڈش برین فیڈ بیک لوپ کا استعمال کرتا ہے، ایسا لگتا ہے کہ یہ جتنا زیادہ کھیلتا ہے بتدریج بہتر ہوتا جاتا ہے۔

فریسٹن کہتے ہیں کہ ”یہ قابل ذکر ہے کیونکہ آپ اس قسم کی خود ساختہ تنظیم نہیں سکھا سکتے، صرف اس لیے کہ ایک پالتو جانور کے برعکس ان چھوٹے دماغوں میں جزا اور سزا کا کوئی احساس نہیں ہے۔“

کارٹیکل لیبز اب ایس بی آئی کی ایک عمومی شکل بنانے کے لیے حیاتیاتی کمپیوٹر چپس کی ایک نئی نسل پر کام کر رہی ہے۔

محققین نے اس نظام کو دیگر سادہ گیمز پر بھی آزمایا۔