ڈی ایچ اے کراچی میں پولیس نے خفیہ اطلاع پر کارروائی کرتے ہوئے ایک منشیات فروش خاتون کو گرفتار کرنےکا دعویٰ کیا ہے جو پولیس کے مطابق پوش علاقے کے نوجوان لڑے لڑکیوں میں آئس فروخت کرتی تھی۔

پویلس کے مطابق ملزمہ کی شناخت مائرااکرام عرف ماریہ نام سےہوئی جو پولیس کو مطلوب تھی۔

اس کے قبضے سے آئس برآمد ہوئی ہے۔

پولیس کا کہنا ہے کہ گرفتارملزمہ دوسرےعلاقوں میں بھی منشیات کی سپلائی میں ملوث ہے، وہ ڈیفنس میں لڑکوں، لڑکیوں کو بلوا کرڈانس پارٹیوں کا انعقاد کرواتی تھی۔

پولیس نے کہاکہ ملزمہ پارٹی میں موجودنوجوانوں کومختلف قسم کی منشیات مثلا آئس،کرسٹل اورچرس وغیرہ کی فروخت کرتی تھی۔

ملزمہ کے خلاف مقدمہ درج کرکے مزید تفتیش کی جا رہی ہے۔