وفاقی وزیر اطلاعات مریم اورنگزیب نے رانا ثناء اللہ کے ناقابل ضمانت وارنٹ گرفتاری جاری ہونے کی وجہ عمران خان کے خوف کو قراردے دیا۔

ٹوئٹرپرمریم اورنگزیب نے وفاقی وزیرداخلہ کے وارنٹس کو انتشار،فساد، افراتفری پھیلانےکی سازش قراردیتے ہوئے چیئرمین پی ٹی آئی کو شدید تنقید کا نشانہ بنایا۔

مریم اورنگزیب نے لکھا،”تاکہ فارن ایجنٹ جھوٹے کی کرپشن ،قومی سلامتی سے کھیل اورعوام کو بیوقوف بنانے کی چالوں سے توجہ ہٹائی جا سکے“۔

پی ٹی آئی کی جانب سے لانگ کے تناظرمیں مریم اورنگزیب نے مزید لکھا کہ،”عمران کے حکم پر وفاق پر حملہ کرنے کی تیاری ہے۔“

واضح رہے کہ راولپنڈی کی عدالت نے آج جعلسازی اور دھوکہ دہی سمیت اُکسانے کے مختلف مقدمات میں راناثناء اللہ کے ناقابلِ ضمانت وارنٹ گرفتاری جاری کرتے ہوئے انہیں پیش کرنے کا حکم دیا ہے۔