وزیراعلیٰ پنجاب چوہدری پرویز الہٰی نے مصنوعی مہنگائی کے ذمہ داروں کے خلاف بلاامتیاز کارروائی کا حکم دیتے ہوئے کابینہ اسٹینڈنگ کمیٹی برائے پرائس کنٹرول کو لندن سے ہدایات جاری کردیں۔

چوہدری پرویز الہٰی نے کہا ہے کہ صوبے کے عوام کو کسی صورت مہنگائی مافیا کے رحم و کرم پر نہیں چھوڑا جاسکتا، سیاسی و انتظامی ٹیم صوبے کے عوام کو مصنوعی مہنگائی سے نجات دلانے کے لئے متحرک کردار ادا کرے۔

وزیراعلیٰ پنجاب کاکہنا تھا کہ عام آدمی کی مشکلات کا پورا احساس ہے، پرائس کنٹرول کے مؤثر نظام کے ذریعے غریب آدمی کے لئے آسانیاں پیدا کی جائیں،عوامی نمائندے اپنے علاقوں میں اشیاء ضروریہ کی قیمتوں کا جائزہ لیں۔

انہوں نے مزید کہا کہ ڈپٹی کمشنرز اور اسسٹنٹ کمشنرز کی کارکردگی کو پرائس کنٹرول کے مؤثر اقدامات سے جانچا جائے گا۔