فیس بک اورانسٹاگرام کی بہ نسبت ٹوئٹرسوشل میڈیا کا قدرے سنجیدہ پلیٹ فارم سمجھا جاتا تھا لیکن اب یہاں بھی صارفین کو کم وبیش دیگرپلیٹ فارمزجیسی سہولیات مہیا کی جارہی ہیں۔

مائیکرو بلاگنگ سائٹ کی جانب سے متعارف کروائے جانے والے نئے فیچر میں صارفین تصاویر،ویڈیوزاورجی آئی ایف(جِف) فائل ایک ہی ٹویٹ میں پوسٹ کر سکیں گے۔

اس سے قبل دستیاب فیچرزکے تحت ٹوئٹرصارفین ٹویٹ پرٹوئٹ تصاویر اور ویڈیوزکوعلیحدہ علیحدہ تو پوسٹ کرسکتے تھے لیکن ایسا ایک ساتھ کرنا ممکن نہیں تھا۔

انتظامیہ کی جانب سے ٹویٹ میں بتایا گیا ہے کہ اب اینڈرائیڈ، آئی او ایس ڈیوائسزپرتصاویر، ویڈیوزاور جی آئی ایف فائلزایک ساتھ شیئرکی جاسکتی ہیں۔

ایسا کرنے کے خواہشمند صارفین کوٹویٹ کمپوزرپرفوٹو، میڈیا، جی آئی ایف آئیکونز پرمطلوبہ فائل کو کلک کرکے اپ لوڈ کرنا ہوگا۔

ایک ٹویٹ میں 4 تصاویر،ویڈیوزیا جی آئی ایف فائلز پوسٹ کرنے کےعلاوہ صارفین تصاویر، ویڈیوزکوبیک وقت ٹیگ بھی کرسکیں گے۔