شہریوں کو سستے داموں موبائل فون اور لیپ ٹاپ دینے کے فراڈ میں عدالت نے باپ سمیت تینوں بیٹوں کی سزا کالعدم قرار دے دی۔

ضلعی عدالت شرقی نے ملزمان نعیم رحمان نیازی اور ان کے تین بیٹوں عباد رحمان، حامد اور تنزیل کو مجموعی طور پر 21، 21 برس قید کی سزا سنائی تھی۔

پولیس کے مطابق ملزمان نے کراچی کے کاروباری لوگوں کو سستے دام پر لیپ ٹاپ اور موبائل فون دینے کا جھانسہ دیا۔

ملزمان لوگوں کو اپنی رہائش گاہ پر بلا کر رقم چھین لیتے تھے، ملزمان نے سابق آئی جی اسلام آباد کے رشتہ دار سے بھی فراڈ کیا۔

سابق آئی جی کے رشتہ دار سے فراڈ کے بعد پولیس نے کارروائی کی۔

ملزمان نے سابق آئی جی کے رشتہ سے خانگی طور صلح کی اور رقم لوٹا دی، ملزمان کے خلاف عزیز آباد تھانے میں 2012-13 میں مقدمہ درج کیا گیا تھا۔