قائم مقام وائس چانسلر بے نظیر بھٹو میڈیکل یونیورسٹی لاڑکانہ کی تعیناتی کے خلاف درخواست کی سماعت میں عدالت نے تعیناتی کا نوٹیفکیشن معطل کردیا۔

قائم مقام وائس چانسلر حاکم علی ابڑو کے خلاف پروفیسر اکبر بھنڈ کی جانب سے درخواست دائر کی گئی تھی، جس میں موقف اپنایا گیا کہ پروفیسر حاکم علی ابڑو کو سندھ حکومت کی جانب سے 29 ستمبر کو قائم مقام وائس چانسلر تعینات کیا گیا ہے.

درخواست گزار نے موقف اپنایا کہ سندھ ہائی کورٹ نے چند ماہ قبل پروفیسر انیلہ عطا الرحمان کی درخواست پر حاکم ابڑو کو وائس چانسلر کے عہدے سے ہٹایا تھا، پروفیسر حاکم ابڑو کی تعیناتی میں سنیارٹی کو نظر انداز کیا گیا ہے۔