امریکی صدر جوبائیڈن نے یوکرین کے صدر ولادیمیر زیلنسکی کے ساتھ ٹیلیفونک گفتگوکرتے ہوئے یوکرین کے لیے نئے سیکیورٹی امدادی پیکج کا اعلان کیا۔

جوبائیڈن کا کہنا تھا کہ امریکا یوکرینی علاقوں کے الحاق کو کبھی تسلیم نہیں کرے گا اس قبل ہی اپنے بیان میں ان کا کہنا تھا کہ امریکا اپنے نیٹواتحادی ممالک کی سرزمین کے ”ایک ایک انچ“ کے دفاع کے لیے تیار ہے۔

مزید پڑھیں: روس اور امریکا ایک بار پھر آمنے سامنے آگئے

صدرجوبائیڈن نے یوکرین کے لئے 65.5 کروڑ ڈالرکے نئے سیکیورٹی پیکیج کا اعلان کیا، جس کی تصدیق امریکی وزیردفاع لائیڈ آسٹن نے کردی۔

وزیردفاع کا بیان میں کہنا تھا کہ پیکج یوکرین کی دفاعی ضروریات کو پورا کرنے کے لیے تیار کیا گیا ہے، جس سے یوکرینی افواج جنگ میں اپنا دفاع کرسکے گی۔