وزیرِ توانائی سندھ امتیاز شیخ نے کے الیکٹرک کی فروخت کی خبروں پر تشویش کا اظہار کردیا۔

امتیازشیخ نے کہا کہ صوباٸی حکومت کے تحفظات پر وفاق کو خط لکھنے کا فیصلہ کیا گیا ہے، حقوق کسی دوسری کمپنی کو منتقل کرنے کی خبر کی تحقیق کررہے ہیں۔

صوبائی وزیر توانائی کا کہنا تھا کہ سندھ حکومت کراچی کے عوام کے حقوق کا تحفظ کرے گی۔

انہوں نے مطالبہ کیا کہ فروخت کے وقت سندھ حکومت سے مشاورت کی جائے۔

انہوں نے مزید کہا کہ کے الیکٹرک کی شکایات کے ازالے کے لیے وفاق اور نیپرا سے رابطے میں ہیں۔