خیبرپختونوا کے وزیرخزانہ تیمورسلیم خان جھگڑا نے حکومت کی جانب سے رواں ماہ پیٹرول اور ڈیزل پر پیٹرولیم ڈیولپمنٹ لیوی میں اضافہ نہ کرنے پر تنقید کی ہے۔

حکومت نے آئی ایم ایف سے معاہدے کے برعکس رواں ماہ پیٹرولیم مصنوعات پر پی ڈیل ایل کی شرح نہیں بڑھائی جس کی وجہ سے پیٹرول اور ڈیزل کی قیتموں میں کمی آئی ہے۔

اس کے ساتھ ہی وزیرخزانہ کا عہدہ سنبھالنے والے اسحاق ڈارکی واپسی کے بعد سے بھی ڈالرکی قدر میں مسلسل کمی اور روپے کی قدرمیں اضافہ ہو رہا ہے۔

پیر کے روزپشاور میں گفتگوکرتے ہوئے تیمور سلیم جھگڑا نے کہا کہ دنیا بھرمیں اسٹیٹ بینک خود مختارادارہ ہوتا ہے، اسحاق ڈار پیسے کومصنوعی طریقےسے کنٹرول کرتے ہیں۔

انہوں نے کہا کہ آج پاکستان کومعاشی چیلنجز کا سامنا ہے، پیٹرولیم لیوی نہ لگانےسےمسائل بڑھیں گے۔

خیبرپختونخوا کے وزیر خزانہ نے کہاکہ حکومت پہلےکہتی تھی،سائفرہےہی نہیں،اب کہتی ہےگم ہوگیا، ان کے ہربیان میں تضاد ہے۔